• Awe ta Djaweps 30 di Oktober 2014
Menu 
Live news

Siman di Kultura 2013 ta na kaminda

Dor Notisia360
April 3, 20139:48 am
kas di kultura

kas di kulturaWILLEMSTAD – Kas di Kultura Kòrsou ta sigui kere den Siman di Kultura. P’esei Kas di Kultura ta bai brinda hinter komunidat di Kòrsou e aña akí atrobe: Siman di Kultura! Esaki Kas di Kultura ta skibi den un komunikado pa prensa. E komunikado ta bisa tambe: 

“Siman di Kultura e aña aki ta kumpli su di dos lustro i lo tuma lugá di 22 pa 29 di sèptèmber 2013. Lo pone énfasis speshal riba konmemorashon di 150 aña di Abolishon di Sklabitut.

 

Durante Siman di Kultura, Kas di Kultura ta:

–          pone atenshon dirigí riba diferente forma di manifestashon di kultura di Kòrsou;

–          pone atenshon na kultura di ántes, di awe i hasta di mañan;

–          apoyá bario, famia, organisashon i artista pa organisá evento kultural i artístiko;

–          mobilisá hinter komunidat pa asistí na diferente evento i aktividat kultural;

–          stimulá union familiar rondó di kultura di Kòrsou;

–          promové konsiensia kultural;

–          promové i stimulá kultura di Kòrsou;

–          promové i stimulá kreatividat;

–          promové union bou di tur siudadano;

–          garantisá e derechi universal di tur siudadano riba kultura propio.

 

Kas di Kultura ta hasi un yamamentu na tur famia, bario, radio emisora, kanal di televishon, skol, empresa di gobièrnu, empresa privá, instituto, grupo kultural i artista pa kuminsá prepará pa Siman di Kultura 2013.

 

Ban ‘Hasi Grandi bo Kultura, alsa bo nashon’ i laga nos kultura sigui brota den tur skina di Kòrsou, di 22 pa 29 di Sèptèmber 2013.”

Latest posts:

Back to top

Notisia comments:

Back to top